கூகுள் நிறுவனத்தின் 149 டாலர் பெறுமதியான கூகுள் நிக் போட்டோ எடிட்டிங் மென்பொருள்

இன்றைய பதிவில் போட்டோ எடிட் செய்து சமூக வலைத்தளங்களில் பகிர்ந்து கொள்ளும் ஆர்வம் கொண்ட நண்பர்களை மகிழ்விக்க கூடியவாறான விடயமொன்றை உங்களுடன் பகிர்ந்து கொள்ள போகிறேன்.

இன்று சமூக வலைத்தளங்களை உபயோகிக்கும் பெரும்பாலானோர் இந்த போட்டோ எடிட்டிங் விடயத்தில் மிகவும் ஆர்வம் காட்டி வருகின்றனர்.

ஆகவே இன்றைய பதிவில் போட்டோ எடிட்டிங் செய்ய மிகச்சிறந்த ஒரு போட்டோ எடிட்டிங் பேக்-ஐ அறிமுகம் செய்கிறேன். எம்மில் பெரும்பாலனோருக்கு கூகுள் நிக் எனப்படும் போட்டோ எடிட்டிங் மென்பொருட்கள் பற்றி தெரிந்ததில்லை.

கூகுள் நிக் என்பது கூகுள் நிறுவனத்துக்கு சொந்தமான மிகச்சிறந்ததொரு போட்டோ எடிட்டிங் மென்பொருள் பேக் ஆகும். அதிலே வித்தியாசமான எபெக்ட்-கள் கொண்ட 7 விதமான மென்பொருட்கள் காணப்படுகின்றன.


நேற்றைய தினம் வரை இந்த அதி சிறந்த போட்டோ எடிட்டிங் மென்பொருளுக்கு கூகுள் நிறுவனம் நிர்ணயித்த விலை 149 அமெரிக்க டாலர்களாகும். ஆனால் தற்போது கூகுள் நிறுவனம், இந்த போட்டோ எடிட்டிங் மென்பொருள் பேக்கை அனைத்து பாவனையாளர்களுக்கும் இலவசமாக வழங்க முடிவெடுத்துள்ளது.

ஆகவே இந்த அருமையான கூகுளின் சிறப்பு போட்டோ எடிட்டிங் மென்பொருள் பேக்-ஐ நீங்களும் கீழே வழங்கப்பட்டிருக்கும் லின்க்கில் சென்று இலவசமாக தரவிறக்கி கொள்ள முடியும்.

கூகுள் நிக் கேளக்சன்

அதுமட்டுமில்லாமல் ஏற்கனவே இந்த போட்டோ எடிட்டிங் மென்பொருள் பேக்-ஐ பணம் செலுத்தி வாங்கிய பயனர்களின் பணத்தை முழுமையாக திருப்பி உரியவர்களிடமே வழங்கவும் முடிவெடுத்துள்ளது.